ଛୋଟ ବଡ଼ ଉଣେଇଶଟି ଗପକୁ ନେଇ ଏଇ ସଙ୍କଳନ ‘ଚରିତ୍ରହୀନ ଓ

ଅନ୍ୟାନ୍ୟ ଗଳ୍ପ’ । ଇନ୍ଦ୍ରଧନୁର ସାତରଙ୍ଗ ପରି ଭିନ୍ନ ଭିନ୍ନ ରଙ୍ଗରେ ସଜ୍ଜିତ ଏଇ ଗଳ୍ପମାଳା ।

ଲେଖିକାଙ୍କର ସୁକ୍ଷ୍ମ ଅର୍ନ୍ତଦୃଷ୍ଟିର ଏକ ନିଛକ ପରିଚୟ ପ୍ରଦାନ କରେ । ସମାଜର ଗତିଶୀଳତାରେ ଘଟୁଥିବା ଘଟଣା ଓ ପାରସ୍ପରିକ ସମ୍ପର୍କ ପଛରେ ଥିବା ମନୋବୈଜ୍ଞାନିକ ସତ୍ୟତାକୁ ଲେଖିକା ଏମିତି ସରଳ ଭାଷାରେ ପରଷି ଦେଇଛନ୍ତି ଯେ ପାଠକକୁ ଲାଗିବ- ‘ଆରେ ଇଏ ତ ମୋ’ରି କଥା ।’

ଲେଖକଙ୍କର ବିଷୟରେ:

ସାମ୍ପ୍ରତିକ ଓଡ଼ିଆ କଥା ସାହିତ୍ୟରେ ଶକ୍ତିପ୍ରଭା ମିଶ୍ର ଏକ ପରିଚିତ ନାମ । ଦୀର୍ଘ ଦୁଇ ଦଶନ୍ଧିର ସାରସ୍ୱତ ସାଧନା ଭିତରେ ତାଙ୍କର ପ୍ରକାଶିତ ହୋଇଛି ପାଂଚଟି ଗଳ୍ପ ସଙ୍କଳନ - ଶୁଭ୍ରତାର ସ୍ୱର, ଶ୍ରୀଲଗ୍ନାଙ୍କ କୁଟୀର, ନିଃଶବ୍ଦ ଡାକ, ଦେବୀ ଓ ଦଶମୀ ଜହ୍ନ ଓ ଛିଟଜାମା । ଏତଦ୍ ବ୍ୟତିତ ଶିଶୁ ସାହିତ୍ୟ ଓ ଫିଚର୍ ଲେଖିବା ସହିତ ରେଡ଼ିଓ ଓ ଦୂରଦର୍ଶନର କାର୍ଯ୍ୟକ୍ରମରେ ଯୋଗଦାନ କରି ସେ ନିଜର ସାରସ୍ୱତ ପ୍ରତିଭାର ପରିଚୟ ଦେଇଛନ୍ତି । ବିଭିନ୍ନ ସାହିତ୍ୟ ସଂସ୍ଥା ତରଫରୁ ସେ ଅନେକ ପୁରସ୍କାର ଓ ସମ୍ମାନରେ ସମ୍ବର୍ଦ୍ଧିତ ।

ସମାଜରେ ମୂଲ୍ୟବୋଧର ଅବକ୍ଷୟ, ବ୍ୟକ୍ତି ସ୍ତରରେ ପାରସ୍ପରିକ ସମ୍ପର୍କର ସୁକ୍ଷ୍ମଦିଗର ଉନ୍ମୋଚନ ତାଂକର ସାହିତ୍ୟିକ କୃତିର ମୁଖ୍ୟ ଅନ୍ତସ୍ୱର ।